هل هو وسواس او لا

السلام عليكم انا عندي كذا سوال اتمنى انكم تجاوبونه

س1/ الحين مثلا اذا كان فيني الدورة وكنت اغير الفوطه هل يدي تعتبر نجسه واذا لمست لبسي هل يعتبر نجس؟

س2/ اذا لقيت في شي على فخذي وخفت انه بول وغسلته وبعدين قلت يمكن راح على ملابسي وانا متاكده ان ماكان فيه بول طالع وغسل فخذي وطلعت ولا غيرت شي هل صح تصرفي ؟

س3 / اذا كان في فخذي او فرجي بعد ما استنجي مويه يعني وقمت وكنت يعني خلاص ب البس لبسي ونزلت المويه لرجلي هل يعتبر نجس وهل لازم اغسل رجلي كلها ؟

انا احس ان بدا فيني وسواس النجاسة واحاول قد ماقدر ان ماسمع له بس احس لازم اغير لبسي لاني اقول يمكن صدق نجس مع اني احس في شي بداخلي ياكد لي ان مب نجس بس اغير وش اسوي وانا كنت اقول اذا جتني الدوره اني برتاح يعني مافيه وسوسه ولا شي صار والله اشد يعني اخاف اني لمست شي او جاء نجاسه لدرجه اغير لبسي كامل عشان مثلا لو نمت بسريري يعني يمكن يصير فيه نجاسه وبعدين اطهر وانوم على النجاسه او اي احد من اهلي يجلس ويصير نجاسه صرت معد اعرف وش النجاسه كل شي صار عندي نجس يعني لو اشوف لبسي فيه مويه اقول اكيد نجس تعبتتت مره يعني تخيلوا مثلا لو لمست لبسي او لبسي فخذي لازززم اغسل ولا اذا جيت اغسل انسى انا غسلت او لا يمكن ماغسلت واعيددد تغسيلل تعبتتت والله ماابي يزيد علي الوسواس علمونني وش اسوي

وعليكم السلام
س١/ لا تعتبر نجسه
س٢/ تصرفك خطا لا تغسلين جسمك ولا ملابسك حتى تتاأكدين مئة بالمئة .. لا يوجد شئ في الدين يعتمد على الشك .. اي امر تشكين فيه لا تفعلينه ابدا .. لانك اذا تصرفتي بناء على الشك فستغسلين جسمك ثم ثيابك ثم تتطور الحاله سوء وتغيرين ثيابك في اليوم اكثر من مرة ثم تصلين لمرحله ستقولين تعبت ولا استطيع التحمل والاستمرار.
رغم اننا من البداية قلنا لك لستي مطالبه بغسل الاشياء التي تشكين فيها لذلك الشخص الموسوس ننصحه من البداية لكن عدم التزامه بما نقول له يوصله لحال لايستطيع تحملها .
لذلك اختي اعملي بما قلت لك .

س٣/ الماء طاهر ولا تحتاجين لغسل شئ .

*** في قسم وسواس العبادات مواضيع مثبته ( البرنامج العلاجي للوسواس + مواضيع تشبه حالتك ) اطلعي عليه وطبيقه
وسبق ان ارسلت لك روابطها كلها في موضوع سابق .

طيب اذا كنت طالعه من الحمام وشكيت هل لبسي جاه نجاسه او لا وانا يعني يوم كنت بالحمام ماجاني هالشك وجيت باشوف لبسي هل فيه مويه او فيه ريحه مالقيت ريحه ولا فيه لون ولكن فيه مويه وانا كان يدي فيها مويه وانا المس لبسي ف ماادري هل هو من يدي او هو نجس هل اعتبر ان هذي المويه من يدي ولا اغير لبسي؟
وانا احس اني متاكده ماكان فيه نجاسه على لبسي وان انا يوم جيت اتاكد صار لبسي فيه مويه بس انا تجاهلته والحين خايفه ان فيه نجاسه وان يصير المكان الي انا فيه نجس وخفت ان اذا احد من اهلي جلس مكان الي جلسته يصير نجس وبعدين حتى لوغيرت لبسي وجلست على هالمكان اصير نفسه نجسه ويصير كل صلاتي وكل شي نجس انا واهلي والله تعبتت تمنيت اني مغيره لبسي ولا يجيني هالتفكير وش اسوي الحين ؟

الموية طاهرة وانتي طاهرة ولا تغيرين ملابسك

معليش على الازعاج بس سوال اذا كنت حاطة مناكير ومسحتها وكان لون المناكير قوي وصارت لون اظافري صفراء هل عادي ويوصلها المويه او لا مع تني غسلت يدي بس ماراح الاصفرار ابي اعرف هل عادي اتوضئ وهو فيه لانه اصلا مايروح

تخيلي يوم مسحت المناكير خفت ان يمكن فيه مكان فيه مناكير وانا ماشفته وانا اشوف يدي مافيها ولا نقطه بس اخاف يصير فيه وانا ماشفته وبعدين يصير غسلي خطا وكنت احط لاختي مناكير وكان المناكير سايل وطاح على يدها وخذت منديل ومسحته بعدين خفت ان جاني من المناكير مع اني شفت يدي مافيها شي والله تعبت ماادري هذي وسوسه او لا والله ندمت اني حطيت مناكير ماكنت متوقعه ان بيصير كذا مدري شسوي والله تعبتت

الاصفر اللي على الاظافر هذا لون فقط لا يضر