اختلال انيه

اشعر اني اتصرف بتلقائيه بدون الاحساس بنفسي
لو بقى الموضوع على مجرد الاختلال والله اهون
لكن افكار الجنون وانتهاء الحياه احس الدنيا خلاص ماباقي فيها شيء تعببت ياربي لاتحملنا فوق طاقتنا

@سآرره كتب:

الله يشافينا يارب الوضع صار فوق طاقتي والله
وصعب اتحمله
انا الحين احس اني دخلت في حاله جنون خصوصاً عند النوم اهلوس واحس بفرااغ بعقلي اتكلم واحس ماهو انا اللي اتكلم
انا اتعالج مع دكتور نفسي بس من كم يوم تركت العلاج ورجعت تعبت
يارب اسألك الخلاص لي ولكل مريض من هالوسواس 💔

نفس الهلوسه عند النوم ...طيب ايش شخصك الطبيب عشان نتساعد :(

اول طبيب رحت له شخصني برهاب وقلق
بعد مااخذت ادويته دخلت دوامه الاكتئاب
فصرت لما اروح لدكاتره غيره يقول معاك اكتئاب
الاكتئاب مشكله جديده حلت عليا بعد الادويه
الان قطعت العلاج نهائياً
بس احس حتى وانا جالسه طبيعي في تضارب بمشاعري وازعاج براسي يقول انتي مو مبسوطه انتي مو مرتاحه كأن في ناس تتهاوش براسي :(
احس صعوبه بالتنفس من انفي وضغط برآسي ‏. .

اختي هذا بسبب الوسواس لانه قاعد يقولك أشياء غير صحيحة و يبغاك تستجيبين للفكرة عشان يعيشك بدوامة الكابة و القلق 
هدي أعصابك و خليك مروقة ولا كان فيك شي و ابتسمي و خلي هذي الأفكار تتهاوش مع نفسها لا تدخلين أبدا

راح اطنش خلاص لانه اخذ مني كثيير
جزاك الله خير 💚

و ياك ❤

عندي سؤال
الوسواس يخليني احس اني مااميز بين الواقع والخيال
وان افكاري صارت مو واقعيه شويا واشوف الاشياء باستغراب
مثلاً التلفزيون او الجوال اطالع فيه بغرابه كأن توي اكتشفه او اشوفه مو دايم احياناً
يعني هذا من الوسواس ولا مخي فيه مشكله !

من الوسواس اختي تجاهلي واصمدي وواجهي وانشغلي بالحدث ولا تسترسلي وابتسمي دائما

والله اني من يومين واحس ان راسي شخص وجسمي شخص صاني
مو حاسه بنفسي ابداً وماادري هذا بسبب اني تركت العلاج فجاه
او هو الوسواس الخبيث
حتى الكلام صار يطلع مني ملخبط والله شعور ماينوصف
احس اني مخدره او في مكان اخر عن جسدي
حسبي الله لااله الا هو عليه توكلت وهو رب العريش العظيم
يارب لاتحملنا فوق طاقتنا

مع العلم اني متجاهله افكار الوسواس مرا
مااسترسل معاها
لكن شعور الغياب عن الواقع صعب جدا. ومااعرف الى وين راح اوصاخاغ اصحى يوم الاقي نفسي انجنيت او اعيش عمري كله كذا !!

@سآرره كتب:

عندي سؤال
الوسواس يخليني احس اني مااميز بين الواقع والخيال
وان افكاري صارت مو واقعيه شويا واشوف الاشياء باستغراب
مثلاً التلفزيون او الجوال اطالع فيه بغرابه كأن توي اكتشفه او اشوفه مو دايم احياناً
يعني هذا من الوسواس ولا مخي فيه مشكله !

ساره أعننا الله انا وياك واخرجنا من هذه الظلمه عاجل غير اجل...نفس الشي فيني
ونفس السؤال هل الوسواس يجي على شكل فكره تشطح مو واقعيه احيانا تحسيها جنونيه غبيه
انتي تقولي تركتي العلاج .. ليه ماترجعي لدكتور والكلام المكتوب هذا تسأليه الدكتور 
ما سبب هذه الافكار ..عشان نعرف نحاربها ونشفى ونحط النقاط عالحروف
انا مافيه متوفر عندنا دكتور ..

تصدقين اني احس ذهني مشدود مره ونشيط مره 
حاليا نسيت فكرة ان فيني شي يقول اني متغيره عن اول 
واني موطبيعيه 
مسكت معي هذه الافكار الغير منطقيه ومراقبتها

الكل كان ضدي وقت العلاج وخوفوني منه
وتركته وانقطعت عن الدكتور
حالياً احس اني نسيت مين انا مو زي قبل شعور اختلال الانيه
لا احس اني انسانه ثانيه وجديده على نفسي
الافكار مرا مخي شغال طول الوقت بشكل يتعب ابغا اهدا مااقدر
وافكار غريبه وغبيه

مااتذكر انا ايش سويت بيومي او ايش تكلمت
ذكريات الماضي انساها كأنها حلم
قررت اسوي اشعه مقطعيه للرأس مااقدر اتحمل التطورات اللي ممكن تجي اكثر من كذا 👋🏻

حتى انا فكرت بالاشعه المقطعيه 
بس انا ابي ما نضيع وقتنا من تشخيص لتشخيص
يعني لو رحتي للدكتور وانتي اسمك انك رحتي قبل كذا
مو شرط تاخذي منه دواء اسأليه عن تشخيص هذه الافكار 
واطلعي من عنده ... عشان تعرفي راسك من رجولك
وتبدأي رحلت العلاج والتجاهل
مع عمل اشعه مقطعيه للاحتياط

انا اعطيت نفسي مهله شهرين قلت يمكن اخف واتحسن
لو ماتحسنت راح ارجع له لان كل فتره الموضوع يصير اصعب واقسى من قبل
بس انا سمعت ان اغلب الامراض النفسيه من وسواس وقلق وخوف
والاكتئاب كمان سببها زياده الشحنات الرأس

كل مااتأقلم على شعور معين واتجاهله يجي اللي اصعب منه
اللي اشعر فيه الحين حتى وصف مااعرف اوصفه
الله يعافينا ويرحم حالنا

قريب مما أشعر به،، ومع التجاهل والدعاء والرقية الحمد لله فيه تحسن،، وانتظر من الله الشفاء الكامل،، الذي يسليني ثقتي بالله أنه لن يخذلني وسيحفظ لي عقلي..

لو سويتي أشعة خبريني ايش طلع ..

نحن مانعرف ايش فينا ولا نقدر نوصفه ولا نعرف سببه،، لكن الله وحده يعلمه ويعلم سببه ويقدر على كشفه فنتوكل عليه وندعوه

لقيت اغلب الناس كاتبين ان اختلال الانيه ماله علاج
وفي ناس مستمر معاهم 10 سنين واكثر
والشيء هذا دمرني معقوله صح الكلام هذا ؟؟!

يختلف من شخص الى شخص ناس يتغلبون على الوسواس باقل من شهر و ناس طول حياتهم عايشين معه نفس الشي 
اختلال الانية يحتاج الى قوة ارادة

يارب بحق هذا الشهر الفضيل يشفيني ويشفيكم ويشفي كل مريضضض يارب
ويجعلنا نتذكر هالايام ونحمدلله انها راحتت ياررررب

نسأل الله لكم الشفاء ولو رفع لكم الغطاء لبكيتم سخريه من هذه الحاله  
هي شعور تبرمج عليه العقل الباطن ... ' 
وافكار وكلها من الشيطان 
وهذا الشهر فرصتكم .. للقوه فهو بعيد عنكم 
لكن ما زالت شحنات افكار في رؤؤسكم ... 
تجاهلوها فقط واطيلو الابتسامه ولا تنتظرو ذهابها ولا اي شئ ولا تنسو الطاعات الطاعات فهذا يجبر الشيطان أن يعود لعمله الاساسي ...

مشكلتي اتابع نفسي كثير واراقب كل فكره براسي
واذا صحيت احس اني مرتاحه اقول لا الحين ماني مرتاحه وتبدأ الافكار

@سآرره كتب:

مشكلتي اتابع نفسي كثير واراقب كل فكره براسي
واذا صحيت احس اني مرتاحه اقول لا الحين ماني مرتاحه وتبدأ الافكار

اشغلي وقت لا تدعي لك وقت للتفكير 
لان تفكيريك الان مسيطره الافكار السلبيه والاوهام 

اشغلي وقت حتى تتلافيها وغذي افكار ايجابيه جديده مليئه بالحب والسعاده والعمل والانجاز والطموح

@سآرره كتب:

مشكلتي اتابع نفسي كثير واراقب كل فكره براسي
واذا صحيت احس اني مرتاحه اقول لا الحين ماني مرتاحه وتبدأ الافكار

لاتتمحور حول ذاتك وتتأملي أفكارك